Vende të Lira Pune
Nëse dëshironi të konsideroheni për një pozicion në Co-PLAN, mund të kontrolloni rregullisht për hapjen e pozicioneve të reja, ose të na dërgoni CV-në tuaj dhe një profil të shkurtër në co-plan@co-plan.org.
Ju urojmë suksese!
Praktika Pune në Co-PLAN
Co-PLAN, Instituti për Zhvillimin e Habitatit bashkëpunon në mënyrë të suksesshme me studentë kombëtarë dhe ndërkombëtarë të fushave të ndryshme. Co-PLAN pranon vazhdimisht aplikime për praktika pune. Për t’u pranuar si praktikant duhet të jeni pjesë e një programi universitar apo instituti kërkimor, dhe praktika të përbëjë pjesë të studimeve dhe kërkimeve tuaja doktorale apo post-doktorale. Aplikimi juaj duhet të përmbajë (i) një CV të përshtatshme, (ii) një letër ku shprehni interesat dhe objektivat tuaj specifikë dhe kohëzgjatjen e angazhimit tuaj me ne, (iii) një propozim të shkurtër kërkimor që përshkruan aktivitetet specifike të synuara gjatë praktikës, dhe (iv) një letër mbështetëse, ose dokumentacion që tregon lidhjen midis aplikimit tuaj dhe programit përkatës të studimit apo kërkimit, nga universiteti apo institucioni juaj. Parapëlqehet që praktika e punës të zgjasë 3-12 muaj, por mbetemi të hapur për të vlerësuar sugjerime të tjera. Pagesa për kohëzgjatjen e praktikës nuk është e garantuar dhe financimi i aktiviteteve kërkimore është subjekt i negociatave që kanë të bëjnë me interesa reciproke.
Përpara se të aplikoni, ne ju inkurajojmë të konsultoni faqen web të Co-PLAN dhe aktivitetet tona për t’u njohur me punën tonë.
Ju lutem drejtoni pyetjet tuaja, apo dërgoni aplikimin, me subjektin ‘Aplikim për Praktikë Pune’, në adresën co-plan@co-plan.org.
Ne vlerësojmë çdo aplikim dhe mundohemi t’ju përgjigjemi sa më parë.