TraSaCu është një projekt i financuar nga Bashkimi Europian me qëllim zbulimin e sfondit kulturor dhe modeleve të sjelljes që ndikojnë në sigurinë rrugore dhe në probleme të përgjithshme të trafikut në qytetet e sotme moderne.
Projekti ka si synim të realizojë një ndikim katalizues mbi demokracinë vendore në Shqipëri, duke mbështetur nxitësit e ndryshimit, qofshin qytetarë, grupe me bazë komunitetin, ose organizata të shoqërisë civile, në mënyrë që të kultivohet një shoqëri civile me baza të forta vendore, e orientuar nga kërkesa dhe me influence në nivelin nën-kombëtar në Shqipëri.
RDP III ka si qëllim kryesor të reduktojë pabarazitë në Shqipëri, duke mbështetur zhvillimin e rajoneve të fuqishme, të cilat ndërtojnë mbi potencialet e tyre dhe sigurojnë kushte më të mira socio-ekonomike për qytetarët.
Projekti i USAID-it për Planifikimin dhe Qeverisjen Vendore në Shqipëri (PLGP) punon si në nivelin qendror të politikave ashtu edhe në nivelin vendor për të bërë të mundur pranimin e parimeve të qeverisjes së decentralizuar dhe për të përhapur dhe institucionalizuar metodat dhe teknikat praktike dhe efektive për drejtuesit e bashkive.
Njësitë e Qeverisjes Vendore (NjQV) në Shqipëri po përballen me shumë probleme mjedisore siç janë: ndotja e ajrit, ujit dhe tokës, mbetjet, shfrytëzimi i pakontrolluar i resurseve natyrore, shkatërrimi urban, etj. Siç ka treguar edhe praktika, autoritetet lokale kanë një kontribues mjaft të rëndësishëm në degradimin mjedisor, dhe për këtë arsye ata duhet të rrisin efiçencën në performancën mjedisore.
Ideja e projektit “Vendet e Diversitetit – hapësirat publike si një fushë e dialogut ndërkulturor dhe promovimi i vlerave sociale” është për të frymëzuar ata që duan të shohin në komunitetet e tyre promovimin e vlerave të dëshirueshme sociale, të tilla si: mirëkuptimi, mbështetja, dashuria, multikulturalizmi, respekti për diversitetin, etj.
Projekti “Qyteti për Qytetarët, Qytetarët për Qytetin” inkurajon qytetarinë aktive evropiane nëpërmjet formave të nivelit lokal të angazhimit qytetar.
Projekti “Monitorimi i zbatimit të buxheteve vendore në bashkitë e Fierit dhe Shkodrës”, u fokusua në transparencën dhe llogaridhënien e financave në nivel lokal.
Në kuadër të projektit të rehabilitimit të Pazarit të Ri në Tiranë, një projekt i përbashkët i Bashkisë Tiranë dhe Fondit Shqiptaro-Amerikan të Zhvillimit, Co-PLAN kontribuoi në koordinimin e punës kërkimore në terren dhe në dhënien e rekomandimeve për qytetin, në kontekstin e politikave se si planifikimi dhe instrumente të tjera ligjore mund të ndihmojnë në zhvillimin e Planit të Zhvillimit dhe Menaxhimit të zonës.
Co-PLAN, Instituti për Zhvillimin e Habitatit, në bashkëpunim me Institutin për Zhvillim Ndërkombëtar Urban (I2UD), zbatuan projektin e qëndrueshmërisë sociale dhe Angazhimit Qytetar (SSCE), nën Programin e Partneritetit Urban (UPP).